حبك يابعد الروح خلاني اعاني

الولد..
مو عن طمع سئليت بس ردت وصلك *** بالنت اجيب اعمام لو ردت افصلك

صديقه..
نتواعد على الشات وبغرفه خمسه *** ولو عندك انت اعمام تحضره هسه

الولد..
اگوامه انا وياك والحگ اطلبه *** جايب عمامي وجاي والروم اگلبه

صديقه..
نت وضعيف اليوم صعبه وتطب روم *** خلينه بس عل خاص والعطوه بس يوم


ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
شگد حاولت انساك بس ما نسيتك *** وانته النسيت ابساع انهجم بيتك

بسل ومرض طاعون اي والله ريتك *** كل يوم اشتم بيك واحمل خطيتك

من بعد عشگ سنين صرت انا اخيج *** بس كلمه عندي وياج نعله عله ابيج
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ


حبك يابعد الروح خلاني اعاني *** اشرب حليب وجاي حسبالي راني



فراش امد الروح وأيدي المخده *** وكلبي الك بالصيف سبلت اشده



لا تظن يوم انساك يالروحي عندك *** لوما كفر بالدين صدكني اعبدك



جرحك يا بعد الروح بلكلب بات *** دكتوري جن جنون ومن شافه مات

اكتب جوابي عليك معروفه الاسباب *** لو صرنه متحدين جرح الوطن طاب



ياوكت خل الذيب يعاشر ارانب *** واصبح عراق اليوم تحكمه الاجانب
الرد..
الذيب با گ الذيب ياكل جهاله؟***ضيع حلال الناس ضيع حلاله

الذيب يبقه الذيب لولهله ذاكر***يذكر افضال الناس ولربه شاكر

ذيب وعليه انياب تاكلني لحمه***وانته سكتت نكار مابيك رحمه

الذيب وينه الذيب واويه كلهم***واويه كله هنا بس وين اهلهم

واوي وسكن بغداد وبلندن اهله***بس گلي انته شلون رايد تحلهه

بس ربك المعبود يلطف علينه***ماضي الفعل يفلان واحنه انتهينه



ــــــــــــــــــــــــــــــــــــــ
عاشق شهد ديالى والعراق

ان شاء الله تعجبكم