يايوم افز والكاك بحضاني غافي

اشحده اليمر بيك ويمسك بشر

اشعل صفحته بنار وعظامه تنذر

*********

يايوم افز والكاك بحضاني غافي

ياجوري يارمان ياعسل صافي

يالتشكي من هواي واتكولي اتغار

ايدك ولك بالماي وايدينه بالنار

فارض على الكلمات واشعاري نفسك *** بكل كلمه وبكل بيت الكه اني اسمك

يا الرمشت مرعوب خايف اصيدك م بيدي بيد الروح هية التريدك

لشفافك تعنيت رايدلي بوسه *** چا خدك شبي غار سواله هوسه

مو حسره تطلع نار كل لحظه بجفاك *** لو حسرتي تمر بيك چا حرگت شفاك

مو بيدي حتى انسـاك ولا هي بيدك *** بيد الگلب والله هوه اليريدك

الجرح موشگ جلد مو دم يهل منه...الجرح جرح الگلب لوغاب اخوعنه

كمت انه أقنع الروح وتصدج أبساع ... اتسودنت بجفاك من يوم الوداع
::::::::::::::::::::::::
كالتلي ما سويت زين ويه روحك ... فشله بطريج الناس عايف اجروحك

حرموني نوم الليل رادوني انساك *** خافوا انام الليل وبحلمي الگاك

تدري شكثر اهواك يااغلى ناسي *** تاج انته ومخليك فوك عله راسي

سلاني سل فرگاك خلاني خاوي *** صدگ طفل بگماط مابيه اللاوي

دايم عساك بخير يالطيبه ذاتك *** اتمنى كل الكون تحمل صفاتك

اتمنى انا وياك وبفرد تابوت *** خايف على فرگاك ما خايف الموت

قاسي الفگر يفلان مايرحم الناس *** ضابط جنت بالجيش هسه انا كناس

ــــــــــــــــــــــــــــــــــــــ
عاشق شهد ديالى والعراق

شكرا يا سراج على هاي القصيدة الجميلة تخبل

شكرااااا حبيبي سراج

والله القصائد حلوه حيل