افرح لو شفت وجهك وسر بيه

افرح لو شفت وجهك وسر بيه
وحبك بالكلب ثابت وسر بيه
شماطال الدرب امشي وسر بيه
واجيب الروح لعيونك هديه

وحك اهل الوفه والملح والزاد
الكرم افضل معاني الشيم والزاد
حلالي مايهمني النقص والزاد
تهمني الناس شتسولف عليه

شطر من كلبي أخذة ومنة خل تك
وبعد شترجة كاعد من نخلتك
على الغربيل أعاين من نخلتك
طحت مني كبل لا هز أديــة

على زعلك ما اكدر تراني
وكلبي من جفاك تراه ني
لو تحط عينك بعيني وتراني
جسد متشوف بس النفس بيه.

كافي من الالم
ولك بس
كلبي ما عشك غيرك
ولك بس
من هجرك صحت بألم
ولك بس
تصد ليش يالغالي علية.

ابنار الهجر يامهجه دموعاي
على مصابي السمه يمطر دموعاي
اشما هلن يدندوشه دموعاي
حسناتج تبدل بالف سيئه

الزمان شكال لبنادم يراوي
اخذ مني قصص واكتب يراوي
انا الربيتهم طلعو يراوي
كبرو وتعلمو عضات بيه

انه اول احبك واخر اني
والسبب عطلني صدك واخراني
الكلب من ردت اشبكك وخراني
وركض هوة يشبكك قبل ادية

عاشق نور العراق