ابو ذية لعيونكم

عيوني من الدمع لجن وغارن
وعلى حيل الهجر هدن وغارن
اموتن من تحب غيري وغارن
اريدك بس تحبني وهاي هيه




فـتـح قـهـره الزمـان وسـكـرانـي

بـحـزن شـربـنـي دمـعـي وسـكـرانـي

صـايـر ضـغـط بـيـه وسـكر انـي

اجـت كـلـه بـسـبـب بـعـدك عـلـيـه




مرمرني هواك وهمت بالهم
وعلى فراكك كضيت العمر بالهم
طفل ولبست تاج الشيب بالهم
وصرت عجبه المثل ينضرب بيه




يعلمني زماني دروس وانسه
وراح الچان الي بدنياي ونسه
تگلي اترك هوانه دوم وانسه
شلون انساك وانته الزاد اليه .





بعتني و اني احبك و انت شاري
حبيبي انت شهرتي و انتشاري
على يا قبله ذبحتني و انت شاري
و حتى بسم الله ما سمه عليه





سكيت عقول ناسي مي ديانة
وما احب هاي الاسامي مي ديانا
احب الي تكول ميديا انه
واكلها هذا اسمج عم عليه





الحلو ردنا يجينه بس ميانه
و ابد ما ردنه كوه بس ميانه
اريدن طابو كلبك بأسمي انه
عقار اسحب عليه و ابني اليه




بعد ما اغزل الغيرك ولا حوك
لئن لاردي اليستاهل ولا حوك
غشيم وصوبوك انتة ولاحوك
معدل بالحجي صاير علية





صرت مرهون حبك ونت راهن
اوتعال وشوف هجرك ونت راهن
يجي يوم ان توجه ونتراهن
منو اكثر ايحب ويود خويه

الرد

كظاني بسيوفه وعيوني تراهن
وكصه بيه وعلى جروحي تراهن
اكله انساك ويكلي انتراهن
انته تموت بس تبعد عليه





كلبي ما فرح عكبك ولا سار
وجدمي ما خطا الغيرك ولا سار
اخبرك ما بقت كلمه ولاسر
فضحني الشوك والحب مو بديه





ألف دنياي كلها~.ماتلفني.~
عنيد وغير شخصك~. ماتلفني.~
عمت عين المنايا~.ماتلفني~.
اهز دنيه ومره تلعب عليه





أنة ألشديت جرحك ليش حليت
عليـة وحلـة ألطـلاب حليت
ذكرتك بأمتحاني وغلط حليت
شجاوب وأنت شاغل حتى أدية





لاذ بكلبي شوكك وانتقل بي
صعد للراس حبك وانتقل بي
احب اشلون غيرك وانته قلبي
وانه بكلبي احبن مو بديه




جفي للمشو بالليل يوماي
واكضي شلون من ترحون يوماي
نزل علخد سواد العين يوماي
يوهي اثنينهن طاحن سوية





يروح الروح للمحبوب شهدي
انا النحلة النحيلةوخلص شهدي
حرت للغالي غير الورد شهدي
الورد بس للورد يصلح هدية



اهدي اخر ابو ذية لقلبي شهد ولكل اسم يبدا بحرف (ش)واهداء لكل المشتركين

[size=18]شكرا سراج
انته مبدع الحمد لله اللي حصلنه واحد مثلك[/size]